تطبيق عملى على أول دروس الفوتوشوب

اتعرفنا مع بعص على واجهه برنامج فوتوشوب وكمان عرفنا اول مجموعه أدوات
موجوده فى صندوق الأدوات وهى أدوات التحديد بأنواعها+ أداة التحريك + أداة القص

النهرده هنشوف تطبيق عملى على استخدام الأدوات دى
والتطبيق ده عباره عن صوره هنكونها
بس فى معلومه جديده هنعرفها الاول هنحتاجها فى تكوين الصوره
( النسخ )
ببساطه نسخ يعنى تكرار - عندنا صوره وعايزين نكررها مره او مرتين كمان
فى التصميم بتاعنا عندنا صوره نافذه ومحتجين نكررها مره كمان
1- نروح على الصوره المراد نسخها ونحددها بأداة التحديد المناسبه
2- نروح على أداه التحريك ونختارها
3- نضغط على مفتاحى Alt + Ctrl من لوحه المفاتيح مع سحب الصوره
بواسطه اداه التحريك وبكده هنحصل على نسخه تانيه من الصوره

ده الشكل النهائى للصوره


وعلشان الموضوع يكون سهل انا محدده أداه التحديد الى هنستخدمها لكل جزء
علشان نئدر نكون الصوره الموجوده ادامنا

دى صوره لملف الفوتوشوب الى هنشتغل عليه مرسوم أجزاء الصوره بدون ترتيب



هنلاحظ ان الملف مكون من طبقتين الاولى الخلفيه و الثانيه طبقة الاشكال
نقف على طبقة الاشكال - فقط نضغط عليها بالماوس -

كل الى هنعمله نروح للأداه الى انا محددها و نختارها بعدين نحدد بيها الجزء ونروح على أداه التحريك نختارها ونحرك الجزء المحدد ونحطه فى مكانه
ونكون الصوره زى مهى موجوده ادامنا وفى النهايه نقص الأجزاء الزائده بأداه
القص ولحفظ الصوره
-1- نذهب لقائمة ملف file
-2- ثم حفظ باسم save as
-3- ونكتب اسم للصوره
-4- ثم نختار امتداد للصوره (jpg ) او ( gif )
-5- نحدد مكان حفظ الصوره على الجهاز ثم حفظ save



حمل ملف الفوتوشوب من هنــــــــــــــــــــــــا